მარნეულისა და ბოლნისის დამაკავშირებელ გზაზე სპეციალურად მოწყობილ გამშვებ პუნქტზე შსს-ს თანამშრომლებმა და სამხედრო მოსამსახურეებმა ერთ მოქალაქეს კორონავირუსის სიმპტომები აღმოუჩინეს.
ის მომენტალურად გადაიყვანეს ადგილზე მოწყობილ ლაზარეთში, სადაც ექიმებმა გასინჯეს.
ამის შემდეგ სასწრაფო სამედიცინო დახმარების ბრიგადა გამოიძახეს, რომელმაც მოქალაქე „ჯეო ჰოსპიტალში“ გადაიყვანა.
მას მაღალი ტემპერატურა და ხველა აქვს, ასევე სუნთქვის მწვავე უკმარისობა, რის გამოც საჭირო გახდა საჭირო მისი ჰოსპიტალიზება.
მოქალაქეს სავარაუდოდ დღესვე აუღებენ ტესტს და ლაბორატორიაში კვლევაზე გადააგზავნიან.
აღსანიშნავია ის ფაქტი, რომ შსს-ს თანამშრომლებმა და თავდაცვის ძალების სამხედრო მოსამსახურეებმა მისი კონტაქტები უკვე დაადგინეს და მათაც გამოიკვლევენ.
კომენტარები