“ალბათ, თქვენი ტესტირებაც საჭიროა, საჭიროა ყველა ჯგუფის, სადაც 3-დან 10 კაცამდე თავშეყრა ხდება” – ასე უპასუხა თბილისის ინფექციური საავადმყოფოს კლინიკურმა დირექტორმა მარინა ეზუგბაიამ ჟურნალისტებს კითხვაზე გარკვეული ჯგუფების მასობრივ ტესტირებასთან დაკავშირებით.
მარინა ეზუგბაიამ ხაზი გაუსვა, რომ ინფექციურ საავადმყოფოში კვლევები ოქროს სტანდარტით – PCR მეთოდით ხდება და კლინიკას სწრაფი ტესტების საჭიროება არ აქვს.
ეზუგბაიამ ინფექციურ საავადმყოფოში მყოფ COVID 19-ით ინფიცირებულ 34 პაციენტზეც ისაუბრა და აღნიშნა, რომ მათი მდგომარეობა უცვლელია.
როგორც ეზუგბაია ამბობს, დღეს კლინიკაში ტესტირებული 10 პაციენტიდან კორონავირუსი არცერთს არ დაუდასტურდა.
კომენტარები