ქართველი მწერალი გივი მარგველაშვილი ნობელის პრემიაზე წარადგინეს. 89 წლის მწერალი გერმანიაში ცხოვრობს, სადაც მისი სახელი აღიარებულია. იგი 1927 წელს დაიბადა ბერლინში, ქართველი ემიგრანტის, ისტორიკოსისა და ფილოსოფოსის, ტიტე მარგველაშვილის ოჯახში. ომის დამთავრებისთანავე გივი მარგველაშვილი მამასთან ერთად გაიტყუეს ბერლინის საბჭოთა სექტორში. მამა – დახვრიტეს, 19 წლის გივი მარგველაშვილი კი მაშინათვე დააპატიმრეს და ზაქსენჰაუზენის საკონცენტრაციო ბანაკში მოათავსეს. ყოფილ ნაცისტურ ბანაკში მარგველაშვილმა ორი წელი დაჰყო. ამის შემდეგ იგი თბილისში გადმოიყვანეს. ქართული მან არ იცოდა. იცოდა მხოლოდ ევროპული ენები იმ გიმნაზიის წყალობით, სადაც ბერლინში სწავლობდა.
კომენტარები