ნაძალადევის რაიონში მიმდინარე წლის განმავლობაში 11 კორპუსის ამორტიზებული მიწისქვეშა კომუნიკაციები ახლით შეიცვალა. ინფრასტრუქტურული სამუშაოების ღირებულებამ 300 482 ლარი შეადგინა.
ამ ეტაპზე ქსელების მოწყობა-რეაბილიტაცია კიდევ 4 მისამართზე მიმდინარეობს. ერთ-ერთი პროექტი ზღვის უბნის IIა მ.რ. N226 კორპუსში ხორციელდება, სადაც წყალარინების სისტემა გაუმართავი იყო. სამუშაოების ფარგლებში, 96 გრძივ მეტრზე წყალარინების მილები მოეწყო, ასევე, დამონტაჟდა 2 საკომუნიკაციო ჭა.
აღნიშნული სარეაბილიტაციო სამუშაოები ნაძალადევის რაიონის გამგეობის დაფინანსებით სრულდება.
კომენტარები