ერთ-ერთი საკარანტინო სივრციდან თერჯოლის ცხელების ცენტრში გადაყვანილ პირს დიდი ოდენობით ნარკოტიკული ნივთიერება აღმოაჩნდა.
ექიმების შეტყობინების საფუძველზე, სამედიცინო დაწესებულებაში შსს-ს თანამშრომლების მიერ შესაბამისი შემოწმების შემდეგ პირი დააკავეს.
შსს-ს პრესსამსახურის ინფორმაციით, მის წინააღმდეგ გამოძიება სისხლის სამართლის კოდექსის 260-ე მუხლით დაიწყო.
კლინიკის დირექტორის, ლადო კეპულაძის ინფორმაციით, პაციენტს „კოვიდ-19“ არ დაუდასტურდა. ლაბორატორიიდან მიღებული უარყოფითი პასუხის შემდეგ, ის ბოქსირებული პალატიდან მედიკოსებმა ინტენსიურ პალატაში გადაიყვანეს, სადაც კლინიკის უსაფრთხოების სამსახურმა მას დიდი რაოდენობით ნარკოტიკული ნივთიერება აღმოუჩინა. ამის შემდეგ კი შეტყობინება მიეცა შესაბამის სტრუქტურას.
კომენტარები