ნიკა მელია სოციალურ ქსელში პოსტს აქვეყნებს.
მოულოდნელად გარდაიცვალა ჩვენი პარტიის აქტიური წევრი, ჩვენი უკომპრომისო თანამებრძოლი მურმან თხელიძე.
სიკვდილისთვის არავინ გემეტება ადამიანს და გული გიმძიმდება, როდესაც იგებ ვინმეს, უცნობის თუ ნაცნობის გარდაცვალებას. ყველას დაგვღუპვია ნათესავი, მეგობარი, ახლობელი, არანაირად არ მინდა დავაკნინო ადამიანთა შორის ურთიერთობის ეს ფორმები, მაგრამ დამერწმუნეთ, სრულიად სხვა განცდა გიპყრობს, როდესაც კარგავ თანამებრძოლს.
როდესაც კარგავ ადამიანს, რომელიც აგერ უკვე მერამდენე წელიწადია შენთან ერთად იბრძვის და იზიარებს ამ ბრძოლის ავ-კარგს – მარცხს თუ წარმატებას. შენთან ერთად დგას ბარიკადებზე, შენთან ერთად იგერიებს არაკაცთა მიერ მოქნეულ მუშტს, შენთან ერთად იბრძვის ამ ქვეყნის უკეთესი მომავლისათვის.
მურმანს ჩვენი პარტიული სტრუქტურის ერთ-ერთი ურთულესი უბანი (ლოტკინი ) ებარა. ვინც თბილისს და მის სირთულეებს კარგად იცნობს, მიხვდება რისი თქმა მინდა. იბრძოდა სრულიად უპრეტენზიოდ, ზედმეტი ხმაურის გარეშე, უბანს ძალიან უყვარდა.
ვიხსენებ ჩვენი საერთო ბრძოლის ამ 7 წლიან პერიოდს, თვალზე ცრემლი მადგება და მოადგება ყველას ვინც მას იცნობდა. რთული იქნება მის გარეშე, ამ ალალი, ლაღი და გულანთებული პატრიოტი კაცის გარეშე.
R I P
