ქობულეთში სანაპირო ზოლის რეაბილიტაციის მეორე ეტაპი მიმდინარეობს.
პროექტის მიხედვით, დაგეგმილია თამარ მეფის გამზირზე ზღვისპირა სკვერის 2 კილომეტრიანი მონაკვეთის მოწყობა.
წესრიგდება მიწისქვეშა კომუნიკაცია, დეკორატიული ფილებით ეწყობა სასეირნო ზოლი. ასევე, მონტაჟდება თანამედროვე ტიპის განათების სისტემა. სამუშაოების შედეგად, კეთილმოეწყობა სანაპირო და ის სრულად იქნება ადაპტირებული შშმ პირებისთვის.
ზღვისპირა პარკის მოწყობის პირველი ეტაპი გასულ წელს დასრულდა. პროექტით მოწესრიგდა და მოეწყო 850-მეტრიანი მონაკვეთი.
პროექტი მომავალ წელს დასრულდება.
კომენტარები