„პრაიმტაიმისთვის“ ცნობილი გახდა, რომ სიღნაღის მუნიციპალიტეტის ერთ-ერთ სოფელში პოლიციამ გზაზე პარკში გახვეული ახალშობილი იპოვა.
ჩვენი ინფორმაციით, ჩვილი დედას ახალი მიტოვებული ჰყავდა. მას სასიცოცხლო ნიშნები აღენიშნებოდა.
სამართალდამცველებმა გზაზე დატოვებული ახალშობილი უახლოეს საავადმყოფოში გადაიყვანეს.
მისი მდგომარეობა სტაბილურია და როგორც მედიკოსები ამბობენ, ბავშვის სიცოცხლეს საფრთხე არ ემუქრება.
„პრაიმტაიმს“ ინფორმაცია შსს-შიც დაუდასტურეს და განუცხადეს, რომ ფაქტზე გამოძიება სისხლის სამართლის კოდექსის 127-ე მუხლით დაიწყო, რაც ადამიანის სიცოცხლისთვის საშიშ მდგომარეობაში მიტოვებას გულოსხმობს.
კომენტარები