ადიგენის მუნიციპალიტეტის სოფელ აბასთუმანში, ობსერვატორიის მიმდებარედ ტყის მასივში ხანძრის ახალი კერა გაჩნდა. ხანძარი უკვე ლოკალიზებულია და გავრცელების საფრთხე არ არსებობს.
ცნობისთვის, სოფელ აბასთუმანში ხანძარი 2 დღის წინ, 13 ივნისს გაჩნდა.
საგანგებო სიტუაციების მართვის სამსახურის მიერ გუშინ გავრცელებული განცხადების თანახმად, აბასთუმანში გაჩენილი ხანძრის შესახებ ინფორმაცია შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში 13 ივნისს დღის 2 საათისთვის შევიდა. მათივე ცნობით, ტყის მასივში დამწვარია წიწვოვანი ტყის ქვედა საფარი და კუნძები.
კომენტარები