თბილისის ბაზრობებზე, ახალი კორონავირუსის გავრცელების პრევენციისთვის დადგენილი უსაფრთხოების წესების დარღვევისთვის 20-მდე ბიზნესობიექტი დაჯარიმდა, – ამის სესახებ შრომის პირობების ინსპექტირების დეპარტამენტის უფროსმა, ბექა ფერაძემ მთავრობის ადმინისტრაციაში, უწყებათაშორისი საკოორდინაციო საბჭოს სხდომის შემდეგ გამართულ ბრიფინგზე განაცხადა.
„მიუხედავად მათთან მუშაობისა, გარკვეულ ბიზნესობიექტებთან ფიქსირდებოდა ხარვეზები და იძულებულნი გავხდით, გამოგვეყენებინა სანქცირების მექანიზმი. ლილოს ტერიტორიაზე დაჯარიმდა 12 ბიზნესობიექტი, დეზერტირების ტერიტორიაზე -1 , ნავთლუღში 2, დიდუბეში – 3, ვარკეთილში -1“ – განაცხადა ბექა ფერაძემ.
ჯანდაცვის სამინისტროს მიერ, სამუშაო ადგილებზე ახალი კორონავირუსის გავრცელების პრევენციის მიზნით შემუშავებული რეკომენდაციების აღსრულების მონიტორინგს შრომის პირობების ინსპექტირების დეპარტამენტი სხვადასხვა სახელმწიფო უწყებებთან ერთად ახორციელებს.