ტარიელ ონიანი ყველაზე გავლენიანი ქართველი კრიმინალური ავტორიტეტია, რომელსაც თითქმის მთელ მსოფლიოში იცნობენ. პოპულარობას არ უჩივის მისი ქალიშვილი გვანცა ონიანი, რომელიც რუსული ელიტური წვეულებების სასურველი სტუმარია და მას კრიმინალის პრინცესასაც კი უწოდებენ რუსი ჟურნალისტები.
ბავშვობაში გვანცამ მძიმე სტრესი მიიღო. 2005 წელს რუსი მაფიოზების წინააღმდეგ, ესპანელმა სამართალდამცველებმა სპეცოპერაცია „კრაზანა“ ჩაატარეს.
რუსული მაფიის წინააღმდეგ სპეცოპერაცია ესპანეთის პარალელურად ევროპის სხვადასხვა ქვეყნებში ჩატარდა. ბი-ბი-სის ცნობით, ავსტრიაში, გერმანიაში, შვეიცარიაში, საფრანგეთსა და იტალიაში 45 ადამიანი დააკავეს.
სპეცოპერაცია ბარსელონაში, ტარიელ ონიანის კუთვნილ ვილაშიც ჩატარდა. ოპერაციის მომენტში ბინაში ქართველი ავტორიტეტი და მისი მცირეწლოვანი შვილი გვანცა იმყოფებოდნენ. ონიანის მეუღლე და უფროსი შვილი უშბა იმ დროს ესპანეთის ფარგლებს გარეთ იყვნენ.
ოპერაციის დაწყებამდე ცოტა ხნით ადრე ონიანი ვიღაცამ გააფრთხილა. ვილაში შევარდნილ სამართალდამცველებს ქართველი ავტორიტეტი ადგილზე აღარ დახვდათ. მან პოლიციას რამდენიმე წუთით გაასწრო.
სამაგიეროდ, იქ იყო ტარიელ ონიანის ქალიშვილი გვანცა ონიანი, რომელიც მაშინ 12 წლის იყო. სპეც-ოპერაციის შედეგად გვანცა დააკავეს, ონიანმა ქვეყანა უპრობლემოდ დატოვა, ხოლო 12 წლის გვანცა პოლიციამ უპატრონო ბავშვთა თავშესაფარში გადაიყვანა. ბავშვი რამდენიმე დღეში, საქართველოს კონსულის ჩარევის შემდეგ გაათავისუფლეს.
დისგან განსხვავებით, საზოგადოება ნაკლებად იცნობს ტარიელ ონიანის ვაჟს უშბა-ბუბა ონიანს. ბუბა 26 წლის არის და წარმატებული ბიზნესმენია. 90-2000-იან წლებში ის საფრანგეთში და ესპანეთში ცხოვრობდა მშობლებთან ერთად, თუმცა 2006 წელს, როდესაც ტარიელ ონიანმა საქართველოს მოქალაქეობაზე უარი თქვა და რუსეთში გადავიდა საცხოვრებლად, მასთან ერთად რუსეთში მისი ოჯახიც წავიდა. გაგრძელება