გარდაცვლილ თამარ ბაჩალიაშვილის ოჯახს გენერალური პროკურორი შეხვდება.
როგორც გარდაცვლილის ოჯახის წევრებს გენერალური პროკურატურის საზოგადოებასთან ურთიერთობის სამსახურის უფროსმა, ბაია ცანავამ აცნობა, ირაკლი შოთაძე ბაჩალიაშვილის ოჯახის წევრებს დღეს, 14:00 საათზე შეხვდება.
თამარ ბაჩალიაშვილის ოჯახის წევრებმა ადვოკატთან ერთად დღეს ბრიფინგი მთავარ პროკურატურასთან გამართეს. ადვოკატმა მიხეილ რამიშვილმა ირაკლი შოთაძეს მიმართა, ბაჩალიაშვილის საქმის გამოძიებაში „ეფბიაის“ ჩართვასთან დაკავშირებით გადაწყვეტილება მიიღოს.
ამასთან, გარდაცვლილი თამარ ბაჩალიაშვილის დედამ, თეონა თამაზაშვილმა დღეს პროკურატურასთან შიმშილობა დაიწყო. ოჯახი სოლიდურ თანხას სთავაზობს მათ, ვინც საქმესთან დაკავშირებით ინფორმაციას ფლობს.
კომენტარები