ახალქალაქში მთელი ღამის განმავლობაში სამართალდამცველები იყვნენ მობილიზებული. ბოლო მონაცემებით, დამწვარია 4 საცხოვრებელი სახლი და სასტუმრო.
დაზარალებულები მომხდარს იხსენებენ და ამბობენ, რომ თავდამსხმელები აგრესიულები იყვნენ. „ქალები და ბავშვები გამოგვათრიეს გარეთ, გვითხრეს გავსულიყავით და არაფერი დაგვიშავდებოდა. დაარბიეს შიგნით ყველაფერი, ბენზინი მიასხეს და ცეცხლი წაუკიდეს. აგრესიულები იყვნენ. პოლიცია იქ იყო, მაგრამ ვერაფერი მოახერხეს. ბენზინით ხელში იყვნენ, სახანძროსაც არ უშვებდნენ, რომ ჩაექროთ. მეზობლებმა გვიშველეს, თორემ კედლებიც ვერ გადარჩებოდა. ჩემი შვილი იმ ბიჭის მეგობარია, ვინც ისროლა. არც ვიცი ჩხუბის დროს იქ იყო თუ არა. სახლმა რა დაუშავა, ყველაფერი გაგვინადგურეს, არაფერი დაგვრჩა“- ამბობს ერთ-ერთი დაზარალებული.
ანა შეპკინას ფოტოები
კომენტარები