„მოგეხსენებათ, რაჭაში, სამწუხაროდ, მძიმე და მასშტაბური სტიქია გვქონდა.მიმდინარეობს შედეგების აღმოფხვრა, სარეაბილიტაციო სამუშაოები. საბედნიეროდ, მოსალოდნელზე სწრაფად მოხდა პირველადი საჭიროების სამუშაოების დასრულება, რაც ნიშნავს იმას, რომ მოწყვეტილ სოფლებთან მიმოსვლა საკმაოდ სწრაფად აღდგა“, – ამის შესახებ საქართველოს პრემიერ-მინისტრმა, გიორგი გახარიამ საქართველოს მთავრობის ადმინისტრაციაში, მთავრობის სხდომაზე განაცხადა.
„დღეის მონაცემებით, ყველა სოფელს მიეწოდება როგორც წყალი, ისე – ელექტროენერგია. თუმცა, კაპიტალური სამშენებლო სამუშაოები გრძელდება და დღეს ჩვენ უნდა ვიმსჯელოთ ამ სამუშაოებისთვის, საგზაო მიმართულებით, დამატებითი თანხების გამოსაყოფად. რეალურად, სტიქიის მასშტაბიდან გამომდინარე, როგორც ჩანს, ინფრასტრუქტურის კაპიტალურ, სრულფასოვან აღდგენას დასჭირდება დრო, დაახლოებით 2021 წლის გაზაფხულამდე“ – განაცხადა გიორგი გახარიამ.