საფრანგეთში ტორნადოს შედეგად, სულ მცირე, 41 ადამიანი დაშავდა.
სტიქიის გამო საფრანგეთის სამხრეთ-დასავლეთში, სოფელ პომასში დაახლოებით 300 სახლი დაზიანდა.
ამასთან, ძლიერი შტორმის გამო საფრანგეთის სამხრეთ-დასავლეთის არაერთ რაიონში ხელისუფლებამ განგაშის ნარინჯისფერი დონე გამოაცხადა.
საფრანგეთის ტრანსპორტის მინისტრის, ფილიპ ტაბაროს განცხადებით, ძლიერმა შტორმმა საფრანგეთში სატრანსპორტო მოძრაობა მნიშვნელოვნად შეაფერხა. ბორდოს, მარსელის, ნიცის, ტულუზისა და პარიზის აეროპორტებში რეისების ნაწილი გაუქმდა.
ოფიციალური მონაცემებით, დაახლოებით 10 სოფელში 2 800-მდე ოჯახი ელექტროენერგიის გარეშე დარჩა.
კომენტარები