17 წლის ბიჭი, რომელიც 45 წლამდე მამაკაცმა გააუპატიურა „ტვ პირველს“ უყვება, რომ ის მეგობრებთან ერთად ნასვამ მდგომარეობაში იმყოფებოდა, რა დროსაც თავი შეუძლოდ იგრძნო და ცირკთან ახლოს მდებარე ტყეში შევიდა.
„თავი ვიგრძენი ცუდად, გულის რევის შეგრძნება მქონდა და შევედი ტყეში, იქვე ჩამოვჯექი, უცებ მოვიდა ვიღაც და დამიწყო ხელზე შეხება და კოცნა. გავუმეორე რომ თავი დაენებებინა, მაგრამ მაინც არ შემეშვა. დავკარგე გონება და გონს როდესაც მოვედი სრულიად შიშველი ვიყავი“,– ყვება არასრულწლოვანი.
მისი თქმით, მამაკაცი მას უთვალთვალებდა.
შეგახსენებთ, თბილისში 12 აგვისტოს, გვიან ღამით არასრულწლოვანი ბიჭი გააუპატიურეს. შემთხვევა ცირკის მიმდებარე ტერიტორიაზე მოხდა.
როგორც „პრაიმტაიმს“ შსს-ში განუცხადეს, მომხდარზე გამოძიება სისხლის სამართლის კოდექსის 137/ე მუხლითაა დაწყებული, რაც გაუპატიურებას გულისხმობს და ითვალისწინებს პატიმრობას 6-დან 8 წლამდე.
მოძალადე ცხელ კვალზე დააკავეს.