ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო, მოქალაქეებს ტექნიკური შეფერხებისთვის ბოდიშს უხდის.
„მოგახსენებთ, რომ 17 წლის ჩათვლით ბავშვებისთვის, 200-ლარიანი დახმარების მისაღებად რეგისტრაცია ელექტრონულ პორტალზე – www.moh.gov.ge ტექნიკური ხარვეზის გამო შეფერხებით მიმდინარეობს. ხარვეზი პორტალზე ბევრი ადამიანის ერთდროულად დარეგისტრირებითაა განპირობებული“, – ნათქვამია უწყების მიერ გავრცელებულ განცხადებაში.
მათივე თქმით, პრობლემის გადასაჭრელად სპეციალისტები მუშაობენ და ტექნიკური შეფერხება უმოკლეს დროში აღმოიფხვრება. დახმარების მიმღებთა რეგისტრაცია 2020 წლის 1-ელ დეკემბრამდე გრძელდება.
შესაბამისად, რეგისტრაციის გავლის საშუალება ყველა მსურველს მიეცემა.
რეგისტრაციის შესახებ შესაბამისი ინსტრუქცია ხელმისაწვდომია, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ვებ გვერდზე: www.moh.gov.ge და ელექტრონულ პორტალზე daxmareba.moh.gov.ge