თბილისში, ახალდაბის ქუჩზე მდებარე კერძო სახლი აფეთქებას გადაურჩა. ინფორმაციას გაზის გამანაწილებელი კომპანია “თბილისი ენერჯი ავრცელებს თანდართული ფოტოთი.
“დაუჯერებელი ამბავია, მაგრამ ეს თბილისში, ახალდაბის ქუჩაზე, ცოტა ხნის წინ მოხდა. ამ რეზინის მილიდან, რასაც ფოტოზე ხედავთ, გაზი ჟონავდა და კერძო სახლი, სადაც მდგმურები ცხოვრობდნენ აფეთქებას გადაურჩა.
ერთ-ერთმა მდგმურმა, რომელიც საცხოვრებლად სხვაგან გადავიდა, მოხსნა გაზქურა და თან წაიღო. გაზის რეზინის მილი კი ღია მდგომარეობაში დააგდო.
”თბილისი ენერჯის” სწრაფი რეაგირების სამსახურს, გაზის სუნის შესახებ მეზობლებმა შეატყობინეს. 114-ის ჯგუფის ოპერატიულობით და ყურადღებიანი მეზობლების დახმარებით სახლი აფეთქებას გადაურჩა. ნუ შეუქმნით საფრთხეს მეზობლებს, ნუ გახდებით მკვლელები.”- წერია კომპანიის ფეისბუქ გვერდზე.