მრავალსერიან ფილმ „ჰეროკრატიაში” მაყურებელმა ამჯერად „ჯაშუშების საქმის” მხატვრული ვარიანტი იხილა. მათგან ერთ-ერთი – სერგო თეთრაძე, რომელმაც ჩაუდენელი დანაშაული არ აღიარა, წამების შედეგად საკანში გარდაიცვალა, ხოლო მეორე სასტიკი წამების შედეგად დაინვალიდდა. თავად წამების მსხვერპლი და „ჰეროკრატიას” წინა სერიის გმირი, ვიცე-პოლკოვნიკი დავით ლონდარიძე “ასავალ-დასავალთან” ინტერვიუში ამბობს, რომ მისი ისტორია ფილმში 80%-იანი სიზუსტითა გადმოცემული, თუმცა, რეალურად ბევრად რთული ვითარება იყო ციხეებში:
”სინამდვილეში ყველაფერი გაცილებით უარესად ხდებოდა. მაგალითად, ფილმში „ბატონო დათოთი” მომმართავენ, რეალურად კი „ბატონოს” ვინ ჩიოდა, უსაშინლესად მეპყრობოდნენ! როგორც ჩანს, გოგა ხაინდრავამ მაყურებელი მაინც დაინდო და ბოლომდე არ აჩვენა ის სისასტიკე, რასაც ჯალათები სჩადიოდნენ. კაცს, რომელიც ფილმში მაპატიმრებს, რეალურად ჰყავს პროტოტიპი – პოლკოვნიკი იოსავა, რომელმაც ჩემს დაპატიმრებაში მონაწილეობა მართლაც მიიღო.
ტვინში სისხლჩაქცევის ოთხი კერა მაქვს. მარტო სიარული კი არა, ლაპარაკიც მიჭირს. მხედველობაში გაორება მაქვს, ვერც ხელს ვამოძრავებ. ახლა, „ჰეროკრატიაში” საკუთარ ისტორიას რომ ვუყურე, ყველა სულიერი ჭრილობა განმიახლდა.
ჩემს სიცოცხლეს აზრი მაინც აღარ აქვს… თუ ნაცები მართლაც დაბრუნდებიან, წელზე შაჰიდის ქამარს შემოვირტყამ და მათ სიახლოვეს თავს ავიფეთქებ, რამდენიმეს მაინც გავიყოლებ, ისე დამისახიჩრეს ცხოვრება! პირადად ჩემი წამება რომც ვაპატიო, ჩემი პატარა შვილების ცრემლებს მაინც არ ვაპატიებ!”, – აცხადებს
“P.S. დავით ლონდარიძე, გია გორელაშვილი, სერგეი ჩაპლიგინი და გარდაცვლილი სერგო თეთრაძე, სასამართლომ ჯაშუშობის საქმეში უდანაშაულოდ ცნო!”, – წერს გამოცემა.
marshalpress.ge