ის, რაც საქართველომ აქამდე გააკეთა, უკვე ძალიან ღირებულია. ჩვენ რვა თვე მოვიგეთ, – ამის შესახებ თბილისის ინფექციური საავადმყოფოს დირექტორმა თენგიზ ცერცვაძემ გადაცემაში „ჯანმრთელობის ფორმულა“ განაცხადა.
„რვა თვის განმავლობაში, საქართველოში კორონავირუსით ინფიცირების შემთხვევების მინიმალური რაოდენობა იყო და იცი, ზოგი ამას იწუნებს და ამბობს, ეს არ იყო საჭირო, რადგან ოდესღაც ხომ მაინც დადგება ისეთი მომენტი, როცა შემთხვევათა რაოდენობა მოიმატებს?.. ჯერ ერთი, არავინ არ იცის, დადგება თუ არა ასეთი მომენტი. ლაპარაკი გუშინდელ და დღევანდელ რაოდენობაზე… ეს არაა ძალიან საგანგაშო, რადგან ეს გაცილებით ნაკლებია, ვიდრე – ევროპისა და ამერიკის ქვეყნებში“, – განაცხადა თენგიზ ცერცვაძემ.
ამ დროისთვის საქართველოში კორონავირუსის 2075 შემთხვევაა დადასტურებული. განკურნებულთა რაოდენობა კი 1 363-ს შეადგენს. კორონავირუსის შედეგად ქვეყანაში 19 პაციენტი გარდაიცვალა.
კარანტინის რეჟიმში იმყოფება 5882 მოქალაქე, ხოლო სტაციონარში მეთვალყურეობის ქვეშ – 390. უცხოეთიდან სამკურნალოდ გადმოყვანილია საქართველოს 41 მოქალაქე.