UFC-ის ყოფილი ჩემპიონი, კონორ მაკგრეგორი კორსიკაზე სექსუალური ძალადობის ბრალდებით დააკავეს. Reuters-ის ცნობით, 32 წლის ირლანდიელ სპორტსმენს კორსიკის პროკურატურა სექსუალური ძალადობის მცდელობასა და სექსუალური ქცევის დემონსტრირებას ედავება.
ირლანდიელი ჩემპიონი უკვე დაკითხეს, შემდეგ კი გაათავისუფლეს. მაკგრეგორი ბრალდებას კატეგორიულად უარყოფს.
32 წლის სპორტსმენი კორსკაზე საცოლესთან და ორ შვილთან ერთად, დასასვენებლად იმყოფებოდა.
ცნობისთვის, ეს პირველი შემთხვევა არ არის, როდესაც მაკგრეგორი საზოგადოების ყურადღებას სკანდალით იქცევს. 4 წლის განმავლობაში მას 3-ჯერ დაატოვებინეს საბრძოლო სცენა. გარდა ამისა, ივნისში მაკგრეგორს კონფლიქტი ჰქონდა დუბლინის ერთ-ერთ ბარშიც, რის გამოც ჯარიმის სახით 1000 ევრო გადაახდევინეს.
კომენტარები