„თავისუფალი უნივერსიტეტის“ სტუდენტს კორონავირუსი დაუდასტურდა, – ინფორმაციას ამის შესახებ „თავისუფალი უნივერსიტეტის“ საზოგადოებასთან ურთიერთობის სამსახურის წარმომადგენელი ბექა კოკაია ადასტურებს.
მისი თქმით, ამ ეტაპზე, უნივერსიტეტში სწავლის პროცესი დისტანციურად გრძელდება. ასევე, როგორც კოკაია აცხადებს, სტუდენტის ინფიცირების პირველწყარო დადგენილია.
„სწავლა დავიწყეთ ერთი კვირით ადრე, ყოველ წელს ასე ვაკეთებთ. უსფართხოების ყველა სტანდარტს რადგან ვაკმაყოფილებდით, მოგვცეს ნებართვა, დაგვეწყო სწავლა. სიცხეს ვუზომავდით ყველა შემომსვლელს და ინფიცირებულ სტუდენტს შემოწმებისას სიმპტომები არ აღმოაჩნდა. ის ბოლოს უნივერსიტეტში იმყოფებოდა ხუთშაბათს და სიმპტოები გამოუვლინდა გვიან ღამით, რის შემდეგაც დაურეკა დეკანს და შეატყობინა. გამოვკითხეთ, რომელ სტუდენტებთან ჰქონდა შეხება და ასეთების რაოდენობა საკმაოდ მცირეიყო, რადგან სრული დატვირთვით სწავლა იწყებოდა 15 სექტემბრიდან. ყველა კონტაქტს დავურეკეთ, გავაფრთხილეთ და ისინი მოექცნენ თვითიზოლაციაში, ჩაიტარეს ტესტი, თუმცა ჯერ პასუხი არ არის ცნობილი. იმ ფლიგელს, სადაც ეს სტუდენტი იმყოფებოდა, ჩაუტარდა დეზინფექცია. საკმაოდ ცოტა ადამიანთან ჰქონდა კონტაქტი და ამ დროის განმავლობაში ეკეთება პირბადე. ახლა გადავედით ონლაინ რეჟიმზე, სტუდენტები აღარ დადიან უნივერსიტეტში, მაგრამ სრული დეზინფეცქია მაინც ჩატარდა. ეპიდემიოლოგებს სტუდენტის ინფიცირების წყარო დადგენილი აქვთ“, – განაცხადა კოკაიამ.