ოთხი ადამიანი არის დაჭრილი. სამი კიდურების და ერთი წელის არეში. მათი ჯანმრთელობის მდგომარეობა დამაკმაყოფილებელია, – „ქართული ოცნების“ ბოლნისის, დმანისის, თეთრიწყაროსა და წალკის მაჟორიტარი დეპუტატობის კანდიდატმა, გოგი მეშველიანმა გადაცემა „ღია ეთერში“ პარტიის საარჩევნო შტაბში მომხდარ დაპირისპირებაზე ისაუბრა.
„ერთ-ერთი დაჭრილი არის „ქართული ოცნების“ აქტივისტი სამი კი თავდამსხმელი. თავდამსხმელები, რომლების იმყოფებოდნენ არაფხიზელ მდგომარეობაში შემოვიდნენ„ქართული ოცნების“ ოფისში. დაიწყეს კონკრეტული პიროვნებების ძებნა. ეძებდნენ ადგილობრივი შტაბის ხელმძღვანელს და დმანისის „ქართული ოცნების“საოლქო ორგანიზაციის თავმჯდომარეს. საკმაოდაგრესიულად იკითხეს, სად არიან ისინიო-ო. გარკვეული შელაპარაკების შემდეგ გახსნეს დანები დაიწყეს აგრესიული მოქმედებები, რასაც მოჰყვა შესაბამისი მოქმედებები ჩვენი აქტივების მხრიდანაც. სამწუხროდ დაიჭრა ოთხი ადამიანი“, – განაცხადა გოგოი მეშველიანმა.
კანდიდატის თქმით, დაპირისპირებაში მონაწილე ადამიანები დმანისის საკრებულოს თავმჯდომარესთან და მერაბ ოქრიაშვილთან, ე.წ. ხასიკასთან არიან დაკავშირებული. მეშველიანი შემთხვევას ბოლო დღეებში განვითარებული მოვლენების გაგრძელებას უწოდებს.
„ჩემი კონკურენტი, შემ მიერ დასახელებული ადამიანის ბიძაშვილია. ეს ძალადობრივი ქმედება, კიდევ ერთხელ მიანიშნებს იმაზე, რომ ჩვენი ოპონენტები გრძნობენ და აცნობიერებენ, რომ განწირული არიან პოლიტიკურ ბრძოლაში და ცდილობენ ლეგიტიმური საარჩევნო პროცესი გადაიყვანონ ძალადობრივში და მოახდინონ არჩევნების დელეგიტიმატიზაცია“, – განაცხადა გოგოი მეშველიანმა.