ჯანდაცვის მსოფლიო ორგანიზაციის დირექტორი თედროს ადანომ გებრეიესუსი თვითიზოლაციაში გადავიდა. ამის შესახებ მან Twitter-ის გვერდზე დაწერა.
ჯანმოს ხელმძღვანელის თქმით, თვითიზოლაციაში გადასვლის მიზეზი ინფიცირებულ პირთან მისი კონტაქტია.
ამჟამად ის თავს კარგად გრძნობს და მუშაობას სახლიდან განაგრძობს.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ მიიჩნია. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.
კომენტარები