ჩვენ ვემზადებით დიდი ზეიმისთვის, – ამის შესახებ აშშ-ის პრეზიდენტმა, დონალდ ტრამპმა თეთრ სახლში სიტყვით გამოსვლისას განაცხადა.
მისი თქმით, არჩევნების შედეგები ფენომენურია და ეს არის დიდი წარმატება. მან ამერიკელ ხალხს მხარდაჭერისთვის მადლობა გადაუხადა.
„მინდა, მადლობა გადავუხადო ამერიკელ ხალხს წარმოუდგენელი მხარდაჭერისთვის. მილიონობით ადამიანმა მოგვცა ხმა დღეს“, – განაცხადა აშშ-ის პრეზიდენტმა.
დონალდ ტრამპის თქმით, ადამიანების ჯგუფი ცდილობს, მის მხარდამჭერებს სამოქალაქო უფლებები წაართვას.
„ჩვენ ამას არ დავუშვებთ“, – აღნიშნა ტრამპმა.
დონალდ ტრამპმა განაცხადა, რომ მან არჩევნები მოიგო პენსილვანიაში, ჩრდილოეთ კაროლინასა და ჯორჯიაში.
„ამ ქვეყნის მოქალაქეების რეკორდული რაოდენობა გამოვიდა და თავისი არჩევანი დააფიქსირა“, – განაცხადა ტრამპმა.
კომენტარები