სომხეთი დღეს დილიდან ქალაქ ტერტერსა და ორ სოფელს: გაზიანსა და ჰასანლის ბომბავს, – აზერბაიჯანული მედიის ინფორმაციით, ამის შესახებ ქვეყნის თავდაცვის სამინისტრო იუწყება. მათივე ინფორმაციით, ღამის განმავლობაში მოწინააღმდეგემ გორანბოის რაიონის სოფელი ტაფგარაგოიუნლუც დაბომბა.
აზერბაიჯანის თავდაცვის უწყებაში ასევე აცხადებენ, რომ 5 ნოემბერს დღის განმავლობაში და 6 ნოემბერის ღამით საბრძოლო მოქმედებები ძირითადად აღდამის, აღდერეს, ხოჯავენდისა და გუბადლის მიმართულებებით ხორციელდებოდა.
„საბრძოლო ოპერაციები გრძელდება. საბრძოლო ვითარებას ჩვენი ჯარები აკონტროლებენ,“- აღნიშნულია აზერბაიჯანის თავდაცვის სამინისტროს მიერ გავრცელებულ ინფორმაციაში.
კომენტარები