ინფექციური პათოლოგიისა და შიდსის ცენტრის ხელმძღვანელის, თენგიზ ცერცვაძის ინფორმაციით, სასტუმროში მოთავსებულ კოვიდინფიცირებულ პაციენტებსა და ბინაზე მყოფი პაციენტების ნაწილს სამი სავალდებულო გამოკვლევა ჩაუტარდებათ. ამის შესახებ ცერცვაძემ კლინკურ ჯგუფთან შეხევედრის დასრულების შემდეგ განაცხადა.
ცერცვაძის თქმით, აღნიშნული გამოკვლევებით ბინაზე და სასტუროში დატოვებული პაციენტების მოვლა გააუმჯობესდება.
„ბინაზე და სასტუმროში დატოვეული პაციენტები, ვინც არ საჭიროებს ჰოსპიტალიზებას, ჩვენი გათვლით არის 75 პროცენტი, დღეისთვის 25 პროცენტის ჰოსპიტალიზება ხდება, მაშინ, როდესაც მსოფლიოს წამყვან ქვეყნებში მხოლოდ 15 პროცენტის ჰოსპიტალიზებას ახრეხებენ- 85 რჩება ბინაზე, 15-ის ჰოსპიტალიზება ხდება. ჩვენთან, ჰოსპიტალიზებული არის 25 პროცენტი, 15 პროცენტი რჩება ბინაზე და სასტუმროში. მაგრამ დღევანდელი სხდომა ეძღვნებოდა მთლიანად იმას, რომ ბინაზე და სასტუროში დატოვებული პაციენტების მოვლა როგორ გაუმჯობესდეს, რათა მინიმიზირებული იქნას ის რისკები, რაც იწვევს ამ ბინაზე დატოვებულებს შორის მართალია, ერთეულ, მაგრამ მაინც გარდაცვალებას.
სასტუმროში მოთავსებულ ყველა და ბინაზე დატოვებულის ნაწილს ჩაუტარდება სამი სავალდებულო გამოკვლევა: სისხლის საერთო ანალიზი, დ-დიმერი და სატურაციის განსაზღვრა. შერჩევით ეს ახლაც ტარდებოდა, მაგრამ დღეიდან იქნება სავალდებულო და სისტემური. ასეთი ვალდებულება არ აქვს ევროპის და ამერიკის არც ერთ ქვეყანას, რომ ბინაზე დატოვებულებს ჩაუტაროს ეს სამი ძირითადი გამოკვლევა.
ამ სამ გამოკვლევას ძალიან დიდი მნიშვნელობა აქვს. დ-დიმერის განსაზღვრა გვაძლევს სიგნალს, აქვს თუ არა თრომბოემბოლიური გართულებების რისკი ამ პაციენტებს. იცით, სიკვდილობის თითქმის მეოთხედი თრობოემბოლიური დაავადებებით არის განპირობებული, ხოლო ბინაზე მყოფთა შორის თითქმის ასი პროცენტით. ამის სიგნალს მოგვცემს და თავიდან იქნება აცილებული თრომბოემბოლიით გართულება.
სისხლის საერთო ანალიზი გვაძლევს ინფორმაციას რამდენად ძიმეა პროცესი და ხომ არ არის ბაქტერიული გართულება, ხომ არ არის საჭირო, მკურნალობაში ჩაერთოს ანტიბიოტიკები და სხვა საშუალებები.
მესამე, სატურაციის განსაზღვრა ძალიან მნიშვნელოვანია, ბინაზე დატოვებულებში ეს არსად არ კეთდება, ეს მოგვცემს საშუალებას, განისაზღცვროს, ბინაზე დატოვებული პაციენტი ჟანგბადდამოკიდებული ხომ არ არის. შესაძლოა, პაციენტი ვერ გრძნობდეს, რომ ჟანგბადდამოკიდებულია, შეიძლება თავისუფლად სუნთქავდეს, ეს ახასიათებს კოვიდს, მაგრამ სისხლში არ იყოს ჟანგბადის საკმარისი რაოდენობა. ასეთი პაციენტები არიან მთავარი რისკის ჯგუფი დამძიმებისა და სიკვდილობისთვის. ასეთი პაციენტები დაუყოვნებლივ ბინიდან ჰოსპიტალში იქნებიან გადაყვაილი“, – განაცხადა თენგიზ ცერცვაძემ.