ამერიკის შეერთებულ შტატებში გასული 24 საათის განმავლობაში „კოვიდ-19“-ის 184 514 ახალი შემთხვევა გამოვლინდა და ვირუსით 1 431 ადამიანი დაიღუპა. ინფორმაციას „სიენენი“ ჯონ ჰოფკინსის უნივერსიტეტის მონაცემებზე დაყრდნობით ავრცელებს.
ეს პანდემიის გავრცელებიდან დღემდე დაფიქსირებული ყველაზე მაღალი დღიური მაჩვენებელია. ქვეყანაში უკვე მეოთხე დღეა, ყოველდღიურად ვირუსის რეკორდულად მაღალი მაჩვენებელი ფიქსირდება.
საერთო ჯამში, ვირუსის გავრცელებიდან დღემდე აშშ-ში „კოვიდ-19“-ის 10 მილიონზე მეტი შემთხვევაა გამოვლენილი, დაღუპულია 244 332 ადამიანი.
კომენტარები