შვედეთის Karolinksa institute-ის მიერ ჩატარებული კვლევის მიხედვით, რევმატოიდული ართრიტის სამკურნალო მედიკამენტმა, Baricitinib-მა საშუალო და მძიმე COVID-19 პაციენტებში, შესაძლოა, სიკვდილიანობის დონე შეამციროს.
კვლევის შედეგები ჟურნალ Science Advances-ში გამოქვეყნდა. კვლევაში მონაწილე პაციენტების საშუალო ასაკი 81 წელი იყო.
„მოხარულები ვართ, გაცნობოთ, რომ იმ ადამიანებში, რომლებიც სტანდარტული მკურნალობის პარალელურად, პრეპარატ Baricitinib-ს იღებდნენ, ვირუსით სიკვდილიანობის მაჩვენებელი 71%-ით შემცირდა.
ეს შედეგები განსაკუთრებით დამაიმედებელია, რადგან კვლევაში მონაწილეობას იღებდა ხანდაზმულ პაციენტთა დიდი ჯგუფი“,- აცხადებს კვლევის ერთ-ერთი ავტორი და კაროლინსკას ინსტიტუტის ფიზიოლოგიისა და ფარმაკოლოგიის დეპარტამენტის ასოცირებული პროფესორი, ვოლკერ ლაუშკე.
ამ თემაზე კლინიკური კვლევები მომავალშიც გაგრძელდება.