ერევანში ნიკოლ ფაშინიანის გადადგომის მოთხოვნით საპროტესტო აქცია მიმდინარეობს.
ოპოზიციის ლიდერები ქვეყნის გენერალური პროკურატურისკენ მიემართებიან. მათი განცხადებით, გენერალური პროკურატურა არა ნიკოლ ფაშინიანს, არამედ მოქალაქეებსა და კონსტიტუციას უნდა ემსახურებოდეს.
ოპოზიციის წარმომადგენლები ასევე აღნიშნავენ, რომ სომხეთის პარლამენტმა დაუყოვნებლივ უნდა გააუქმოს სამხედრო მდგომარეობა, ნიკოლ ფაშინიანი პრემიერის თანამდებობიდან გაათავისუფლოს და ეროვნული თანხმობის დროებითი მთავრობა ჩამოაყალიბოს.
სომხეთის პრემიერ-მინისტრმა, ნიკოლ ფაშინიანმა განაცხადა, რომ თანამდებობის დატოვებას არ აპირებს. ნიკოლ ფაშინიანმა ასევე აღნიშნა, რომ ოპოზიციამ შიდაპოლიტიკურ კონტექსტში შეიარაღებული ბრძოლის შესაძლებლობაზე უარი უნდა თქვას.
კომენტარები