„ლელო საქართველოსთვის“ ოფისში ოპოზიციური პარტიების მორიგი შეხვედრა მიმდინარეობს. მოლაპარაკებების დაწყებამდე „ევროპული საქართველოს“ წევრმა ლევან თარხნიშვილმა ჟურნალისტებს განუცხადა, განხილვის საგანი პარლამენტის პირველი სხდომის დროს ოპოზიციის გეგმების ტექნიკური ნაწილი იქნება.
„დღეს შევიკრიბეთ, რათა გავარკვიოთ ბოლო დეტალები იმასთან დაკავშირებით, თუ რას ვაკეთებთ პირველი სხდომის დროს. გარკვეული მონახაზები უკვე არსებობს. „ლეიბორისტებთან“ შეხვედრის შემდეგ ჩვენ ეს მონახაზები გავაჟღერეთ. შესაბამისად, დღეს ტექნიკურ დეტალებს გავივლით. რაც შეეხება მესამე რაუნდს, ამასთან დაკავშირებით სიახლის თქმა არ შემიძლია, იმიტომ, რომ იქნება თუ არა ეს მესამე რაუნდი საერთოდ, არავინ იცის“, – განაცხადა თარხნიშვილმა.
კომენტარები