თელავში, კორონავირუსით ცნობილი ექიმი ივანე ამბარდანიშვილი გარდაიცვალა.
Imedinews-ის ინფორმაციით, თავდაპირვალად 80 წლამდე თერაპევტი თელავის ცენტრალურ საავადმყოფოში მოათავსეს, თუმცა მოგვიანებით ჯანმრთელობის მდგომარეობის გაუარესების შემდეგ, მედიკოსი თბილისის ერთ-ერთ კლინიკაში გადაიყვანეს, სადაც ამ დრომდე მკურნალობის კურსს გადიოდა.
ცნობილია, რომ ვირუსთან ერთად თანმხმლები დაავადებები ლეტალური შემთხვევის მიზეზი გახდა.
ივანე ამბარდანიშვილი სხვადასხვა დროს რამდენიმე საავადმყოფოში მუშაობდა, ბოლოს კი თელავის ცენტრალური საავადმყოფოს რეანიმატოლოგი იყო.
ამ დროისთვის ქვეყანაში კორონავირუსის 198 387 შემთხვევაა დადასტურებული. გამოჯანმრთელებულთა რაოდენობა 164 786-ს შეადგენს. გარდაიცვალა 1 883 მოქალაქე.
კომენტარები