მაქსიმ შევჩენკო პუტინის რეჟიმის მიმართ კრიტიკულად არის განწყობილი, საქართველოსადმი კეთილგანწყობილია და ახლა ხდება ის რადიკალური ოპოზიციის თავდასხმის ობიექტი, – ამის შესახებ საპარლამენტო უმრავლესობის წევრი ბექა დავითულიანმა რუს ჟურნალისტთან დაკავშირებით დასმული შეკითხვის საპასუხოდ განაცხადა.
მისივე თქმით, მაქსიმ შევჩენკოს „ოკუპირებული ტერიტორიების შესახებ“ კანონი 2009 წელს ჰქონდა დარღვეული.
„ექვს წელიწადში კანონდარღვევას ხანდაზმულობის ვადა გაუვიდა. შესაბამისად, დღეის მდგომარეობით, მას არ აქვს საქართველოს კანონმდებლობასთან პრობლემა. მეტიც, ის ამის შემდეგ საქართველოში არაერთხელ იყო და რატომღაც, ამბავი დღეს ატყდა, თითქოს, დარღვეული აქვს. ეს ადამიანი საქართველოში მას შემდეგ ჩამოდის, რაც ხანდაზმულობის ვადა გაუვიდა 2015 წელს. ამავდროულად, გავრცელდა ინფორმაცია იმის თაობაზე, თითქოს მაქსიმ შევჩენკო განსაკუთრებულ პირობებში იყო, მსგავსი არაფერი ყოფილა, ის ადგილზე ბიზნესჯგუფმა მოიწვია, ბიზნესმოწვევით, მან ბიზნესაკრედიტაცია შეავსო და გამარტივებული წესით შემოვიდა. ამიტომ, ადგილი აქვს შეთქმულების თეორიებს. დახმარება რაში სჭირდებოდა, კანონი არ დაურღვევია და აკრედიტაციის წესი შეავსო. თუ იმის დაკავშირება გინდათ, რომ ის საქართველოს ოკუპაციის მომხრე იყო და ამავდროულად, რომელიმე ქართველმა პოლიტიკოსმა აქ შემოსვლაში ხელი შეუწყო, დავაზუსტოთ.
რადიკალური ოპოზიციის რიტორიკა ნახეთ ელჩების წინააღმდეგ, დასავლეთის მონაწილეობასთან დაკავშირებით. ბოლო პერიოდში, შევჩენკო პუტინის რეჟიმის მიმართ ძალიან კრიტიკულად არის განწყობილი და პირიქით, საქართველოს მიმართ უკვე კეთილგანწყობილია, ახლა ის ხდება თავდასხმის ობიექტი. ამ ადამიანთან შეხება საერთოდ არ მაქვს და დარწმუნებული ვარ, არც ჩემი კოლეგების უმეტესობას, მაგრამ ფაქტებს დავაკვირდეთ – დასავლელი ელჩების ბულინგით დავიწყეთ და პუტინის მიმართ კრიტიკულად განწყობილი ჟურნალისტის შემოსვლით ქვეყანას ვაქცევთ“, – განაცხადა ბექა ნაცვლიშვილმა.