თბილისში, ჩიტაიას ქუჩაზე შეიარაღებულმა პირებმა სუპერმარკეტის დაყაჩაღება სცადეს. არსებული ინფორმაციით, ორი შეიარაღებული პირი სუპერმარკეტში შეიჭრა, თუმცა, ადგილზე მალევე მივიდნენ სამართალდამცველები.
„საპატრულო პოლიციის დეპარტამენტში შეტყობინება შემოვიდა, რომ ჩიტაიას ქუჩაზე, სუპერმარკეტ „სპარში“ შესული იყო ორი პირი. ისინი იყვნენ შეიარაღებული. შეტყობინების შესვლისთანავე, საპატრულო ეკიპაჟი მყისიერად მივიდა ადგილზე. გამოძიება ორი მუხლით დაიწყო – ყაჩაღობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების მუხლებით. ადგილზე გრძელდება საგამოძიებო მოქმედებები“, – განაცხდა თბილისის საპატრულო პოლიციის უფროსმა, ლაშა ჯოხაძემ.
კომენტარები