ფოთში მკვლელობის ფაქტზე ერთი პირია დაკავებული. ამის შესახებ ჟურნალისტებს საპატრულო პოლიციის დეპარტამენტის უფროსმა ვაჟა სირაძემ განუცხადა.
„ფაქტზე დაწყებულია გამოძიება განზრახ მკვლელობის მუხლით. შსს-ის თანამშრომლების მიერ ცხელ კვალზე მყისიერად გატარებული ღონისძიებების შედეგად, სავარაუდო დანაშაულის ჩამდენი პირი დაკავებულია და მიმდინარეობს კომპლექსური საგამოძიებო მოქმედებები.
შსს 24 საათიან რეჟიმში მუშაობს და შესაძლებლობის ფარგლებში მაქსიმალურად ვახდენთ დანაშაულის პრევენციას. არის საჯარო სტატისტიკა, სადაც კარგად არის ასახული დანაშუალის შემცირება“, – განაცხადა ვაჟა სირაძემ.
ფოთში 45 წლამდე კაცს, საკუთარ ავტომანქანაში ცეცხლსასროლი იარაღიდან რამდენჯერმე ესროლეს. სასწრაფოს კაცი გარდაცვლილი დახვდა.
კომენტარები