გორში ავტოსაგზაო შემთხვევა მოხდა. შინდისის გმირების გზატკეცილზე, ორი მსუბუქი ავტომობილის შეჯახებისას, ერთი ადამიანი დაშავდა.
BMW-ს მარკის ავტომანქანა ჟიგულის მარკის ავტომობილს შეეჯახა. შეჯახების შედეგად, ჟიგულის მძღოლი მანქანაში გაიჭედა. მისი გადმოყვანა საგანგებო სიტუაციების მართვის თანამშრომლების დახმარებით გახდა შესაძლებელი.
შემთხვევის ადგილზე დაღვრილი ბენზინის გამო, არსებობდა აალების საფრთხე. შესაბამისად, მაშველებს სპეცტექნიკის გარეშე მოუწიათ კაცის გადმოყვანა. დაშავებული მამაკაცი სასწრაფო დახმარების ბრიგადამ საავადმყოფოში გადაიყვანა.
ადგილზე მობილიზებულია სახანძრო-სამაშველო სამსახური და პოლიცია. შემთხვევას სწავლობენ ექსპერტ-კრიმინალისტები.
კომენტარები