საქართველოს შინაგან საქმეთა სამინისტროში „ლელო საქართველოსთვის” წევრები – საბა ბუაძე, ირაკლი კუპრაძე, თაზო დათუნაშვილი და პაატა ცივაძე მივიდნენ. ისინი ძალოვან უწყესაჯარიმო ოქმების გასაცნობად დაიბარეს.
„გვიზღუდავენ გამოხატვის თავისუფლებას, ქვეყანა მიექანება უფსკრულისკენ და არ ვაპირებთ, ამას მშვიდად შევეგუოთ. ეს აბსურდული „კომენდანტის საათი”, რომელიც პოლიტიკური მიზანშეწონილობის გამო არის დარჩენილი, აუცილებლად უნდა დასრულდეს. ამ მოთხოვნის გამო ოთხი ადამიანი ჩვენი პარტიიდან დააჯარიმეს, მაგრამ ყველაზე მთავარი არის ის, რომ დააჯარიმეს მშრომელი ადამიანები, რომლებიც მატერიალური უფლებებისთვის იბრძვიან. სერიოზული კომენტარის გაკეთება ამ ყველაფერზე არის შეუძლებელი. უკვე საცირკო წარმოდგენას ვუყურებთ, მერამდენე დღეა სადაც ადამიანებს თავისუფლებისთვის და კონსტიტუციით მინიჭებული უფლებისთვის აჯარიმებენ. მათ შორის ჯარიმა მიუვიდათ ისეთ ადამიანებს, რომლებიც ადგილზე არ იმყოფებოდნენ”, – განაცხადა საბა ბუაძემ.
პარტიის წევრები 6 თებერვალს, „დაუმორჩილებლობის მარშში“ მონაწილეობისას, „კომენდანტის საათის” დარღვევის გამო დააჯარიმეს.
გარდა „ლელოს“ წევრებისა, შინაგან საქმეთა სამინისტროში დაბარებულია „გირჩი – მეტი თავისუფლების“ წევრი ნიკა მოსიაშვილი.