შინაგან საქმეთა სამინისტროს სასაზღვრო პოლიციის უფროსი, პოლკოვნიკი ნიკოლოზ შარაძე თურქეთის რესპუბლიკის სამხედრო ატაშეს, პოლკოვნიკ ბურაქ ალთინერს შეხვდა, – ამის შესახებ ინფორმაციას შინაგან საქმეთა სამინისტროს სასაზღვრო პოლიცია ავრცელებს.
მათივე ინფორმაციით, შეხვედრას სამხედრო ატაშეს მოადგილეები: მაიორი ზაფერ ეთიქი, II რანგის კაპიტანი ფათიჰ ბალი და კაპიტანი დენიზ ქუჩუქი ესწრებოდნენ.
გაცნობითი ხასიათის შეხვედრაზე, სასაზღვრო პოლიციის უფროსმა საქართველოსა და თურქეთს შორის სასაზღვრო სფეროში არსებულ ნაყოფიერ თანამშრომლობაზე ისაუბრა და ატაშატის წარმომადგენლებს სასაზღვრო პოლიციის პრიორიტეტები და სამომავლო გეგმები გააცნო.
შეხვედრის დასასრულს, მხარეებმა თანამშრომლობის კიდევ უფრო გაღრმავებისთვის სრული მზადყოფნა გამოთქვეს.
კომენტარები