სააკაშვილის ავანტიურისტული და მავნებლური განცხადებები დიდი ხანია, საქართველოში არავის უკვირს, ოღონდ ხელისუფლებაში მოვიდეს, ოღონდ რაიმე სახის არეულობა მოახდინოს, ყველაფერზეა წამსვლელი, – წერს ანალიტიკოსი ლევან ნიკოლეიშვილი Facebook-ის საკუთარ გვერდზე.
„ნამახვანის ჰესის მშენებლობას ნაცბელადი დღეს ასე ეხმაურება „ხელები შორს ქართული ბუნებისგან”, თუმცა გუშინ სულ სხაგვარად ჭიკჭიკებდა, თუმცა მის გამოსვლებს უფრო ჩხავილი მოუხდებოდა… ასეა, ორმაგი სტანდარტის დამკვიდრება დიდი ხანი სააკაშვილის ხელწერა გახდა“ – წერს ლევან ნიკოლეიშვილი.
ქუთაისში ნამახვანჰესის კასკადის მშენებლობის მოწინააღმდეგეები შეიკრიბნენ. აქციის მონაწილეები ამბობენ, რომ კომპანია „ენკას“ მიერ მშენებლობის ფარგლებში, იგეგმება რიონის ხეობის დატბორვა, რასაც ისინი არ დაუშვებენ. ნამახვანჰესის მშენებლობის წინააღმდეგ მიმდინარე აქციას, ტრადიციულად, სოციალური ქსელით გამოეხმაურა მიხეილ სააკაშვილი. სააკაშვილი სოლიდარობას უცხადებს აქციის მონაწილეებს და მიიჩნევს, რომ ჰესი ქვეყანაში არ უნდა აშენდეს. საკუთარი ნათქვამის უფრო მეტი არგუმენტაციისთვის, სააკაშვილი ამბობს, რომ ჰესების მშენებლობაზე მნიშვნელოვანი ქვეყნისთვის მნიშვნელოვანი ბუნების შენარჩუნებაა.