ევროკომისიის პრეზიდენტი ურსულა ფონ დერ ლაიენი და ევროკავშირის საბჭოს პრეზიდენტი შარლ მიშელი ანკარაში თურქეთის პრეზიდენტს, რეჯეფ თაიფ ერდოღანს შეხვდნენ.
როგორც სააგენტო „როიტერი“ იუწყება, ურსულა ფონ დერ ლაიენისა და შარლ მიშელის ვიზიტი თურქეთთან ურთიერთობების განახლების მცდელობას უკავშირდება, რაზეც ევროკავშირის ლიდერები მარტში შეთანხმდნენ.
ევროკომისიის პრეზიდენტი მიესალმა ანკარას პოზიციის ცვლილებას აღმოსავლეთ ხმელთაშუა ზღვასთან დაკავშირებით, თუმცა აღნიშნა, რომ ევროკავშირსა და წევრობის კანდიდატ თურქეთს შორის ურთიერთობები კვლავ მყიფეა, რაც ქვეყანაში ადამიანის უფლებების მდგომარეობას უკავშირდება.
როგორც ცნობილია, ანკარაში ვიზიტის ფარგლებში, ევროკავშირის მხრიდან თურქეთში მცხოვრები სირიელი ლტოლვილებისთვის დამატებითი ფინანსური მხარდაჭერის საკითხი განიხილება.