საქართველოს პოლიტიკის ინსტიტუტის ონლაინ კონფერენციაზე განცხადებებს აკეთებენ ევროპარლამენტის ის წევრები, რომლებმაც მანამდე ერთობლივი განცხადება გაავრცელეს.
განცხადება გააკეთა ევროპარლამენტის დეპუტატმა გერმანიიდან, ვიოლა ფონ კრამონ-ტაუბადელმა, რომელმაც ოპოზიციას მიმართა და მათ პარლამენტში შესვლიკენ მოუწოდა.
“ვფიქრობ, იმდენად მომთმენები ვიყავით იმდენად დიდი ხანი, რომ ეს განცხადება დავაგვიანეთ კიდეც. ჩვენი მიზანია მხარი დავუჭიროთ საქართველოს ევროკავშირისკენ მიმავალ გზაზე. მაგრამ ჩვენ ქვეყანაში პარტნიორები გვჭირდება, რომლებიც, მზად არიან განახორციელონ დაკისრებული ვალდებულებები და ახლო კომუნიკაცია ჰქონდეთ ჩვენთან. საზოგადოება ელის პოლიტიკური კრიზისის რაც შეიძლება მალე გადაწყვეტას. მინდა ვუთხრა ოპოზიციას, თუ გარეთ დარჩებით, უარს იტყვით პარლამენტში შესვლაზე და იფიქრებთ რევოლუციაზე, ჩვენ დიალოგი ვერ გვექნება. ჩვენ ვერ შევძლებთ დანიელსონის მიერ რეკომენდირებული შეთანხმების იმპლემენტაციას. ჩვენ გვჭირდება ოპოზიციური პარტიები პარლამენტში და არა მის გარეთ. ორივე მხარემ უნდა შეასრულოს თავისი საქმე სათანადოდ. მინდა ვთხოვო ოპოზიციას, რომ დაიკავონ საკუთარი ადგილები პარლამენტში,“ – ამბობს ვიოლა ფონ კრამონ-ტაუბადელი.