სომხეთსა და რუსეთს შორის სტრატეგიული თანამშრომლობა კიდევ უფრო უნდა გაღრმავდეს. ამის შესახებ სომხეთის პრემიერ-მინისტრმა, ნიკოლ ფაშინიანმა მოსკოვში ვიზიტის ფარგლებში განაცხადა.
„ცხადია, რომ სომხეთსა და რუსეთს სტრატეგიული ურთიერთობები აქვთ და ეს სტრატეგიული ურთიერთობები კიდევ უფრო უნდა გავაღრმავოთ იმის გათვალისწინებით, თუ რა გამოწვევების წინაშე ვდგავართ“, – აღნიშნა ნიკოლ ფაშინიანმა.
სომხეთის პრემიერ-მინისტრმა ასევე განაცხადა, რომ რუსეთთან ორმხრივი ურთიერთობების დღის წესრიგი ფართოა.
7 აპრილს მოსკოვში ნიკოლ ფაშინიანსა და ვლადიმერ პუტინს შორის შეხვედრა გაიმართა.
რუსეთის პრეზიდენტმა განაცხადა, რომ სომხეთის ეკონომიკაში მთლიანი ინვესტიციების 40% რუსული წარმოშობისაა. თავის მხრივ, ნიკოლ ფაშინიანმა რუსი სამშვიდობოების მთიან ყარაბაღში ყოფნას გაუსვა ხაზი.
კომენტარები