„იმედს იტოვებენ, რომ მიმდინარე ჩიხური პოლიტიკური სიტუაციის სწრაფად გადაჭრას იხილავენ იმისთვის, რომ საქართველოს კანონმდებლებმა შეძლონ საკუთარი ყურადღების ქართველი ხალხისთვის მნიშვნელოვან საკითხებზე გამახვილება“, – ამის შესახებ აშშ-ის სენატის საგარეო ურთიერთობათა კომიტეტის ევროპისა და რეგიონული უსაფრთხოების ქვეკომიტეტის დემოკრატმა თავმჯდომარემ, ჯინ შაჰინმა და რესპუბლიკელმა უფროსმა წევრმა, სენატორმა რონ ჯონსონმა „ამერიკის ხმისთვის“ გაგზავნილ განცხადებაში აღნიშნეს.
„აუცილებელია ორივე მხარემ მოლაპარაკება კეთილსინდისიერად და ევროკავშირთან და შეერთებულ შტატებთან კოორდინაციით აწარმოოს ძლიერი, გამჭვირვალე და ანგარიშვალდებული დემოკრატიის შესაქმნელად“, – აღნიშნულია განცხადებაში.
„ქართული ოცნების“ თავმჯდომარემ, ირაკლი კობახიძემ ვაშინგტონში სამუშაო ვიზიტი დაასრულა. ვიზიტის ფარგლებში, ადმინისტრაციის წარმომადგენლებთან ერთად, მან შეხვედრები გამართა კონგრესში.