ევროკავშირის 7 ქვეყანაში ვაქცინაციის დამადასტურებელი სერტიფიკატების ტესტირება დაიწყება. ამის შესახებ ბერძნული გამოცემა Ekathimerini ევროპელ საჯარო მოხელეზე დაყრდნობით წერს.
გამოცემის წყაროს განცხადებით, ევროკავშირის წევრი ქვეყნები 3 ჯგუფად დაიყო, იმის მიხედვით, თუ რამდენად არიან ისინი მზად სერტიფიკატების გაცემისთვის.
პირველ ჯგუფში საბერძნეთი, ესპანეთი, იტალია, მალტა, ბულგარეთი, ესტონეთი და ლუქსემბურგი მოხვდნენ. ვაქცინაციის სერტიფიკატი ტექნიკურად მზად 1-ლი ივნისისთვის იქნება, მისი გამოყენება კი 30 ივნისიდან იგეგმება.
ევროპარლამენტმა ვაქცინაციის სერტიფიკატის შესახებ მოლაპარაკებების დაწყებას მწვანე შუქი აუნთო. ევროპარლამენტარები შეთანხმდნენ, რომ ახალი „EU COVID-19 სერთიფიკატი“ მხოლოდ 12 თვის განმავლობაში უნდა მოქმედებდეს.
კომენტარები