ამერიკული მედია საშუალებები იუწყებიან, რომ პენტაგონი ახლოდან აკვირდება ჩინეთის კოსმოსურ რაკეტას. რაკეტა, რომელიც პეკინმა კოსმოსური სადგურის გასაშვებად გამოიყენა, ახლა უკონტროლოდ გადაადგილდება. ის დედამიწას უახლოვდება და არ არის გამორიცხული, ამ კვირის ბოლომდე ჩამოვარდეს.
კოსმოსი ადამიანის მიერ შექმნილი ტექნოლოგიებით უკიდურესად დაბინძურებულია. პენტაგონი ყოველდღიურად აკონტროლებს დედამიწის გარშემო მოძრავ 27 000-მდე ობიექტს ან ნარჩენს. თუმცა, ჩინეთის უკონტროლო რაკეტა სიდიდის და წონის გამო გამორჩეულია.
რაკეტა იმდენად დიდია, რომ დედამიწის ატმოსფეროში შემოსვლისას, შესაძლოა მისი სრული წვა და დაშლა არ მოხდეს. პენტაგონის თქმით, იმის განსაზღვრა, თუ სად ჩამოვარდება რაკეტა, ბოლო საათებამდე რთული იქნება. საუკეთესო შემთხვევაში, ის წყნარ ოკეანეში ჩავარდება, რომელიც დედამიწის ზედაპირის დაახლოებით 70%-ს შეადგენს.