“ დღეს მე და ჩემმა მეუღლემ COVID-19-ის საწინააღმდეგო ვაქცინა გავიკეთეთ, ვაქცინაციით შეგვიძლია დავასრულოთ პანდემია”

მე და ჩემმა მეუღლემ, ქეთიმ დღეს გავიკეთეთ COVID-19-ის საწინააღმდეგო ვაქცინა, – ამის შესახებ ვიცე-სპიკერი, არჩილ თალაკვაძე სოციალურ ქსელში წერს.

მისი თქმით, მისასალმებელია, რომ „სინოფარმის“ ვაქცინით მათთან ერთად, ბევრი მოქალაქე აიცრა.

„მადლობას ვუხდი ინფექციური პათოლოგიების ცენტრს და მის სამედიცინო პერსონალს, ექიმებს და ექთნებს, ვინც თვეების განმავლობაში კოვიდ-პანდემიასთან ბრძოლის წინა ხაზზეა. მათ გასაგებად აგვიხსნეს აცრებთან დაკავშირებული აუცილებელი ინფორმაცია და წესები. ვაქცინაციით შეგვიძლია დავასრულოთ პანდემია“, – წერს არჩილ თალაკვაძე.