ვოლოდიმირ ზელენსკი საქართველოს პრეზიდენტ, სალომე ზურაბიშვილთან შეხვედრას გამოეხმაურა. შესაბამისი განცხადება უკრაინის პრეზიდენტმა Twitter-ზე გამოაქვეყნა.
„სალომე ზურაბიშვილთან უკრაინისა და საქართველოს ევროატლანტიკურ მისწაფებებზე ვიმსჯელებთ. ჩვენს ქვეყნებს ევროკავშირისა და ნატოს სრულფასოვანი წევრობის მოპოვების საერთო მიზანი აქვთ. ასევე, განვიხილეთ ენერგოუსაფრთხოების საკითხი. შევთანხმდით, რომ ეს ჩვენი სამომავლო თანამშრომლების პრიორიტეტი იქნება“, – წერს ზელენსკი.
საქართველოს პრეზიდენტი უკრაინაში 22 ივნისს ჩავიდა. სალომე ზურაბიშვილი უკრაინის პრეზიდენტს შეხვდა, შემდეგ კი ქვეყნის პრემიერსა და რადის თავმჯდომარესთან გამართავს შეხვედრებს. ბოლო 15 წლის განმავლობაში ეს არის პირველი შემთხვევა, როდესაც უკრაინაში საქართველოს პრეზიდენტი ოფიციალური ვიზიტით იმყოფება.