ამერიკელმა მსახიობმა ჯესიკა დრეიკმა აშშ-ის პრეზიდენტობის რესპუბლიკელი კანდიდატი სექსუალურ ზეწოლაში დაადანაშაულა. CNN-ის ინფორმაციით, მსახიობმა გუშინ საგანგებოდ გამართულ პრესკონფერენციაზე განაცხდა, რომ ინციდენტი 10 წლის წინ კალიფორნიაში გამართულ გოლფის ტურნირზე მოხდა.
პრეზიდენტობის კანდიდატის საარჩევნო შტაბში აღნიშნული ფაქტი უარყვეს და ინციდენტი დონალდ ტრამპის დისკრედიტაციის მცდელობად შეაფასეს, რომლის ორგანიზატორადაც მთავარ კონკურენტს, პრეზიდენტობის დემოკრატ კანდიდატს, ჰილარი კლინტონს მიიჩნევენ. ჯესიკა დრეიკი უკვე მეთერთმეტე ქალია, რომელმაც ბიზნესმენი სექსუალურ ზეწოლაში დაადანაშაულა. ბრალდებების სერია ოქტომბერში 2005 წელს გაკეთებული ჩანაწერის გამოქვეყნების შემდეგ დაიწყო, რომელშიც ტრამპი ქალების მიმართ საუბრის დამამცირებელ მანერას მიმართავს.
კომენტარები