ოცნების მიერ გავრცელებული ხმებს, რომლის მიხედვითაც მელია, სააკაშვილი და გახარია ერთმანეთს ვაშინგტონში შეხვდნენ, “ნაციონალური მოძრაობის თავმჯდომარე მთავარი არხის ეთერში გამოეხმაურა და ინფორმაციას “მორალურად დაცემის მაგალიების კორიანტელი” უწოდა.
როგორც მელიამ აღნიშნა, გახარიამ იმ სასტუმროში დაიდო ბინა, სადაც ენმ-ს წევრები იყვნენ გაჩერებულები, ამის შესახებ კი არაფერი იცოდა, ხოლო როცა გაიგო, მალევე გადავიდა სხვაგან:
“ათასი სპეკულაცია მესმის, დაახლოებით ოთხი დღის დაწყებული გვქონდა შეხვედრები მე, ნონა მამულაშვილსა და თიკა ბოკუჩავას, მიხეილ სააკაშვილი ჯერ არც კი იყო ამერიკის შეერთებულ შტატებში, როდესაც გავიგე, რომ სასტუმროში, რომელშიც ჩვენ ვცხოვრობდით შემოსახლებულა ბატონი გახარია. ისე რომ მას არ ჰქონდა ეს ინფორმაცია. იმ სართულზე დაიდო ბინა, რომელზეც მე ვიყავი, მეხუთეზე. მალევე გაიგო, რომ ჩვენ იქ ვიყავით და მეორე დღეს, დილით ადრე გავიდა სასტუმროდან და გადავიდა სხვაგან”, – განაცხადა მელიამ და დასძინა, რომ ყოფილი პრემიერი ამერიკაში არ უნახავს.