ვიღაცას ეგონება, რომ ამ ადამიანს დავსდევ, მაგრამ ასე არ არის. ღმერთი, რჯული მოწმეა. უბრალოდ, საფინანსო კომიტეტის წევრია და ისეთ თემებს აბრეხვებს, რომ გაოგნებული ვარ და რომ არ ვუპასუხო შეუძლებელია სახლში მივიდე, – ამის შესახებ „ქართული ოცნების“ წევრმა ირაკლი ზარქუამ „სტრატეგია აღმაშენებლის“ ლიდერის გიორგი ვაშაძის მისამართით პარლამენტის რიგგარეშე სხდომაზე განაცხადა.
ირაკლი ზარქუამ სიტყვით გამოსვლისას რიგ საკითხებზე ისაუბრა და აღნიშნა, რომ ბოლოს „დესერტად“ გიორგი ვაშაძესთან დაკავშირებით უნდა ისაუბროს.
„ბოლოს დესერტი – „ჭიჭე“ ვაშაძე, არ გამოვა ამის გარეშე. ჩვენი ასეთი საუბარი გრიშა ონიანის და ბადრი შუბლაძის ჟანრში გადავიდა. აი, სადაც მივასწრებ და დავასწრებ იქ ვცდილობ, რომ სიმართლე პირდაპირ ვუთხრა. ახლაც გამექცა, მაგრამ მაინც… ვიღაცას ეგონება, რომ ამ ადამიანს დავსდევ, მაგრამ ასე არ არის. ღმერთი, რჯული მოწმეა. უბრალოდ, საფინანსო კომიტეტის წევრია და ისეთ თემებს აბრეხვებს, რომ გაოგნებული ვარ და რომ არ ვუპასუხო შეუძლებელია სახლში მივიდე. ჯერ, ხომ პენსიებზე დააბრეხვა 15%-იანი პენსიებიო. მე რომ დღეს მივიდე, მე არ მომცემენ 15%-ანს, მაგრამ პოპულისტია და გასაგებია. ცალკე იოსელიანი, ცალკე ელისაშვილი უხსნიდა, რომ ეს არარეალურია და ბმაში არ არის.
მეორე თემა – გამოვიდა და „მარშუტკებზე“ ისევ დაიწყო სიცრუის ტირაჟირება. ეტყობა, ჰგონია, რომ ამ პოპულიზმით კახი კალაძესთან, თუ დასახელდა კანდიდადატად, კონკურენციაში შევა. განაცხადა ირაკლი ზარქუამ და აღნიშნა, რომ „სიმართლის თქმა, ისეც შეიძლება, რომ არ მოიტყუო“,- აღნიშნა ზარქუამ.